54 يوم في فترة أقصاها ستة أشهر من تاريخ التسجيل

بعد توقيع عقد العمل، كيتم التسجيل في الصندوق الوطني للضمان الاجتماعي للاستفادة من الحماية الاجتماعية والتأمين ضد حوادث الشغل. يجب تسجيل كثر من 54 يوم ديال الخدمة ف 6 شهور باش تكون عندك الشروط اللازمة للاستفادة من التغطية الصحية كسائرالأجراء (الناس لي خدامين). أما إلا ماكانتش عندك 54 يوم ديال الخدمة ف 6 شهور، راه ماغاديش يمكن لك الاستفادة من التغطية الصحية واخا تكون مسجل ف CNSS.

العمل لمدة لا تقل عن 54 يوم خلال الأشهر الستة الماضية

بالنسبة للقطاع الخاص، حقك فالتعويضات اليومية فحالة إجازة مرضية أو إجازة أمومة (الولادة) مضمون إيلا توفرت فيك الشروط اللازمة. ـ بالنسبة للإجازة المرضية: عندك الحق تستافد من التعويضات اليومية فحالة التوقف عن العمل بسبب المرض، إيلا المشغل ديالك كان مخلص عليك 54 يوم من الإشتراكات خلال 6 شهور اللي قبل الاجازة المرضية وخاصك تكون بطبيعة الحال مسجل ف CNSS. في حالة تعرضتي لحادثة من غير حادثة شغل أو مرض مهني، هذا الشرط ديال 54 يوم من الاشتراكات غير ضروري، فقط تكون مصرح عند CNSS عند وقوع الحادث. ـ أما بالنسبة لإجازة الأمومة: فالتعويضات اليومية فحالة الأمومة كتكون مضمونة بمجرد ما المشغل دفع المساهمات لمدة 54 يوم على الأقل خلال 10 أشهر الأخيرة من التسجيل اللي كيسبق تاريخ التوقف عن العمل بسبب الولادة.

من اليوم الأول لمسيرتك المهنية

من أول نهار بديتي فيه مسارك المهني راك بديتي كاتوجد فيه التقاعد ديالك حيت أيام العمل اللي خدمتيها غادي تحسب ليك. ودير فبالك، واخا تبدل الخدمة ويتبدل نظام التقاعد ديالك (قطاع خاص وقطاع عام...) راه الأيام اللي خدمتيها متضيعش، وحقوقك كتبقى مضمونة بفضل التنسيق بين أنظمة التقاعد الأساسية.